Galicia Ártabra Digital Noticias de Ferrol y la comarca de Ferrolterra.
Xosé Ferreiro
Partidazo de moitos quilates o vivido este mércores á tarde no Pavillón Municipal de As Pontes.
Si xa é un luxo recibir ao Baxi Ferrol, que esta campaña 2023-24 retorna a Primeira División, tamén o é recibir a visita do mítico Perfumerías Avenida de Salamanca, o gran dominador do basket español na última década, que acumula 1 Euroliga, 1 Supercopa de Europa, 8 Ligas, 10 Copas e 9 Supercopas.
Por As Pontes pasaron internacionais españolas e Campionas de Europa coma Silvia Domínguez, Laura Gil, Leo Rodríguez e Andrea Vilaró. Incluso tamén campiona continental recentemente foi a belga Antonia Delaere.
O partido de hoxe tivo pouca historia entre un equipo que aspira a todo e o outro a manter a categoría con moita honra. Comezaron moi ben as ferrolás, pero pouco a pouco as salmantinas foron impoñendo a súa calidade e maior banquillo ata o 53-77 definitivo.
Ao descanso chegouse con 31-43 e a máxima anotadora foi a gran canaria Leo Rodríguez con 16 puntos.
