Incorporación de dous novos axentes como funcionarios de carreira á Policía Local de Narón

 

Os axentes da Policía Local Juan José Cela López e Santiago Salgado Morado, tomaron oficialmente o martes 14 de febreiro, posesión do seu cargo como funcionarios de carreira no Concello de Narón.

 

A alcaldesa, Marián Ferreiro, deu a benvida ós dous novos policías nun acto ó que tamén asistiron o concelleiro de Seguridade Cidadá, Román Romero, o xefe da Policía Local de Narón, Eduardo Pita, e o secretario xeral do Concello, Alfonso de Prado. Os dous novos axentes incorpóranse ao seu posto tras superar as fases previas na Academia Galega de Seguridade Pública e as pertinentes prácticas.

 

A rexedora local interesouse polo proceso formativo dos policías, e valorou o feito da súa incorporación ó plantel da cidade, “integrado por un grupo de profesionais moi comprometidos e implicados no seu traballo diario”.

 

A alcaldesa recordou que coa incorporación dos dous axentes o plantel da Policía Local de Narón queda actualmente integrado por 39 persoas.