Galicia Ártabra Digital Noticias de Ferrol y la comarca de Ferrolterra.
O cantautor galego Ismael Taboada presentará este sábado, día 2, no Pazo da Cultura de Narón o seu primeiro disco «Sin cadenas» tal e como recordou o edil de Cultura, Guillermo Sánchez Fojo.
A cita será ás 20.00 horas e as entradas dispoñibles están á venda a un prezo de 8 euros para o público xeral, podendo entrar de balde os abonados, desempregados e persoas con carné xove ou de estudante (ata 25 anos).
«Sin cadenas» é o froito de seis anos de duro traballo de Ismael Taboada e reúne trece temas de música de autor. Consagrados artistas do panorama musical de Ferrolterra colaboraron co músico, que elixiu Narón para presentar o seu primeiro disco.
O evento representa unha oportunidade única para apoiar a música en directo e descubrir a unha das grandes promesas do panorama musical. O concerto terá unha duración aproximada de dúas horas e diríxese a todo tipo de públicos.
