A Escola Javi Gómez Noya clasifica oito canteiráns para a final galega de Nada e Corre

Un total de oito promesas da Escola Javi Gómez Noya lograron unha praza para a final galega de Nada e Corre ao rematar entre os catro mellores da proba de Carballo deste domingo.

Ao máis alto do podio subiron a alevín Lucía Villarnovo e a infantil Marta Novo, conseguiron a medalla de prata o benxamín Manuel Caneiro e a súa irmá cadete Sabela Caneiro, o bronce acadárono os cadetes Carmen Jiménez e Alejandro Rodríguez e remataron en cuarto lugar os infantís María Filgueiras e Daniel Portomeñe.