O Concello invita aos cidadáns a participar nun vídeo promocional con motivo do Día das Bibliotecas

O concello de Ferrol, a través do concelleiro responsable de Educación e Cultura, Antonio Golpe, invita aos usuarios das bibliotecas municipais de Ferrol a participar nun novo vídeo promocional do centro da Praza de España con motivo da celebración do Día das Bibliotecas, o próximo 24 de outubro.

Os interesados poden acudir ese mesmo día, de 9 a 21 horas, á biblioteca da Praza de España. As persoas participantes consentirán a súa aparición no vídeo.