Galicia Ártabra Digital Noticias de Ferrol y la comarca de Ferrolterra.
Miriam Casillas disputa este sábado a Copa do Mundo de Tongyeong na recta final dunha temporada que agarda rematar certificando a súa praza olímpica para Toquio 2020.
“El objetivo es hacer top-10 para mejorar puntos en el ranking pero en la prueba, como siempre, voy a por todas”, adianta a internacional do Triatlón Ferrol que actualmente é 24ª da clasificación olímpica pero, segundo os resultados que acaden as súas rivais, aínda non pode asegurar que iso lle permita pechar 2019 no top-30 mundial, tal e como marca a federación española para adxudicar unha praza para os Xogos.
En fronte, a triatleta de Badaxoz terá á checa Vendula Frintova, 14ª do ranking olímpico, ou á brasileira Vittoria Lopes, precisamente 30ª do ranking.
A Copa do Mundo celebrarase en Corea do Sur na madrugada do venres ao sábado –hora española- en distancia esprinte de 750 m de natación, 20 km de ciclismo e 5 km de carreira a pé.
