Dúas pratas para o Triatlón Ferrol no campionato de España contra o reloxo por grupos de idade

O Triatlón Ferrol contou en Pontevedra con dous triatletas no podio do campionato de España contra o reloxo por grupos de idade.

Co mellor tempo entre os ferroláns, Edu Saavedra foi segundo na categoría de 30 a 34 anos, parando o crono en 1:00:14. Cun minuto máis, Pablo Pedrosa logrou colgarse a prata no grupo de 20-24 anos.

Moi preto dos postos de podio remataron Ricardo Fernández e Borja Catrufo, cuarto e quinto no seu grupo de idade de 25-29 anos, e Juanchi González, cuarto en 45-49.