Dous integrantes do Triatlón Ferrol disputan o campionato galego

Pablo Pedrosa e Laura García serán os compoñentes do Triatlón Ferrol que este sábado participen no campionato galego de tríatlon de distancia esprinte.

Pedrosa volverá esta temporada a Pontevedra, onde disputou os Mundiais de dúatlon, tríatlon cros e ácuatlon. Pola súa banda, García competirá despois de que o club fixese uso dunha das súas invitacións para o campionato, xa que non se puido clasificar previamente por lesión.

Nas probas populares paralelas á disputa do título autonómico, os infantís Diego Carballeira e Lucía Piñón tomarán parte na proba miniesprinte mentres que Ricardo Fernández e os veteranos Manu Pita e Pablo Sanjurjo tomarán a saída na cita esprinte, no mesmo percorrido que o campionato galego.

As competicións celebraranse no río Lérez este sábado desde as 15.00 horas.