O Concello de Ferrol anuncia que aínda hai dispoñibles 62 prazas de teleasistencia a persoas maiores

A concelleira de Benestar Social, Eva Martínez Montero, explicou que o Concello de Ferrol atende a un total de 138 persoas maiores a través do seu servizo de teleasistencia que se desenrola por medio de un convenio coa Cruz Vermella e anunciou que aínda hai dispoñibles outras 62 prazas, ata alcanzar os 200 terminais que actualmente se ofertan.

A edil mantivo hai uns días unha reunión con representantes desta entidade para abordar a realidade dos nosos maiores. Nese senso, Eva Martínez defendeu a «necesidade de combater as situacións de soidade neste sector da poboación» e anunciou que o Concello vai a presentar nos próximos días unha campaña informativa para darlle visibilidade ao día a día dos maiores. Con esta medida o departamento que dirixe a concelleira pretende implicar a máis entidades locais para colaborar no acompañamento dos anciáns do municipio.

Unha vez cubertas as duascentas prazas, o Concello de Ferrol «non descarta aumentar a cota do servizo, pois tratarase dunha prestación que funciona moi ben», explicou a edil. O obxectivo de Benestar Social e «mellorar a calidade de vida dos nosos maiores».

A concelleira de Benestar Social explicou que aquelas persoas interesadas en el servicio de teleasistencia municipal poden dirixirse ao edificio Social, situado na rúa Sánchez Barcaiztegui, 35.