Galicia Ártabra Digital Noticias de Ferrol y la comarca de Ferrolterra.
Sabela Caneiro e Ainara Pita dominaron parte da proba popular miniesprinte de Arteixo ata ser segunda e terceira respectivamente.
Saíndo da auga nas primeiras posicións, Sabela Caneiro tomou a dianteira da proba no ciclismo pero, ao volver á competición tras unha lesión que a tivera parada, foi superada na carreira a pé final aínda que puido aguantar para colgarse a prata e agardar pola súa compañeira Ainara Pita, bronce. Ademais, as dúas infantís da Escola Javi Gómez Noya repetiron medalla na súa categoría de idade.
Pola súa banda, Juanchi González foi o mellor do Triatlón Ferrol na proba de circuíto galego, rematando na 38ª posición. Por detrás, Marcos Caneiro -43º-, Luis Rilo -75º-, Borja Catrufo -77º-, Manu Pita -85º-, José María Eiroa -89º-, Alberto Caneiro -91º- e Pablo Sanjurjo -94º- serán os integrantes do Triatlón Ferrol que opten en Arteixo a facerse cunha praza para o campionato galego.
