A Xunta de Goberno de Ferrol aproba a prórroga da limpeza de viais no rural e a adxudicación dun vehículo de bombeiros

A Xunta de Goberno do Concello de Ferrol reuniuse esta mañá en sesión ordinaria. Entre outros asuntos da orde do día, aprobou a prórroga do contrato correspondente ao servizo de roza de viais e limpeza de cunetas na zona rural. Por outra banda, deu o visto bo á adxudicación dun vehículo tipo furgón para bombeiros.

Os concelleiros tamén votaron a favor da adxudicación da contratación do servizo de inspeccións periódicas das instalacións eléctricas dos subministros de enerxía do Concello.