Alejandro Rodríguez proclámase campión de España escolar coa selección galega

O canteirán do Triatlón Ferrol Alejandro Rodríguez foi partícipe da vitoria de Galicia no campionato de España por seleccións autonómicas escolares.

O cadete foi duodécimo na proba individual e cuarto co seu equipo de relevos.

Pola súa banda, as infantís Lucía Piñón e María Filgueiras formaron parte do relevo mixto que conseguiu o mellor tempo entre os equipos da súa categoría, nunha proba non competitiva e, polo tanto, sen medalla pero si co seguimento dos seleccionadores para futuras convocatorias.