A Escola Javi Gómez Noya nutre a selección galega escolar no campionato de España

Tres promesas da Escola Javi Gómez Noya disputarán con Galicia o campionato de España por autonomías.

O cadete Alejandro Rilo e as infantís María Filgueiras e Lucía Piñón serán os compoñentes do Triatlón Ferrol que compitan coa selección galega na localidade madrileña de Tres Cantos.

O título decídese despois da suma dun tríatlon individual de tódolos membros dos equipos e, na xornada do domingo, o resultado dun relevo mixto formado por dous nenos e dúas nenas.