Galicia Ártabra Digital Noticias de Ferrol y la comarca de Ferrolterra.
O Concello de Narón puxo na tarde deste mércores en servizo a terceira pista multideporte construída na cidade e ubicada no paseo marítimo de Xuvia, nas inmediacións do parque infantil. Foi precisamente un equipo local, o Narón Volea, o que estreou as instalacións , ás 18.00 horas, cun adestramento nesta nova área deportiva.
As veciñas e veciños de Narón disponen dende desde este mércores dun novo espazo donde practicar ata oito modalidades deportivas, entre elas e a maiores do voleibol, o tenis, o fútbol, baloncesto… ao estar dotada de tódolos elementos necesarios, como rede central, porterías, canastras…
A pista ten unhas dimensións de 20×10 metros, idénticas ás que se construíron nos últimos meses na Gándara e no Alto, tamén operativas. Con estes novos equipamentos a cidadanía dispón en Xuvia dunha maior oferta de elementos deportivos, aos que se suman un circuíto vita e un parque biosaudable, tamén na zona do paseo marítimo, cunha ampla oferta tamén de lecer e xogo para nenos e nenas.
O Concello destinou unha partida de 40.000 euros para construír as tres pistas multideporte da cidade, completando así en tres barrios o número de instalacións deportivas, neste caso para a práctica do deporte ao aire libre e abertas á cidadanía en xeral.
