Máis de 30 promesas da Escola Javi Gómez Noya disputan o campionato galego de dúatlon escolar

A Escola Javi Gómez Noya presentará un total de 33 promesas no campionato galego de dúatlon escolar deste venres.

A canteira do Triatlón Ferrol será, xunto ao Cidade de Lugo Fluvial, a segunda con maior número de participantes, só superados polo Arcade Inforhouse de Santiago.

Despois de conseguir a clasificación na final provincial de Fene, a escola ferrolá contará con cinco benxamíns, seis alevíns, dez infantís e 12 cadetes.