Galicia Ártabra Digital Noticias de Ferrol y la comarca de Ferrolterra.
Os canteiráns da Escola Javi Gómez Noya colgáronse a medalla de prata no campionato de España de tríatlon contra o reloxo.
O equipo masculino da canteira ferrolá traballou á perfección na natación e no ciclismo. Na carreira a pé, espreméronse a fondo para cruzar a meta cun tempo de 24:12, marcado polo cuarto triatleta na entrada á meta: Jorge Morado, Alejandro Rodríguez, David Campos e François Vie, con Hugo Prida a sete segundos dos seus compañeiros.
Pola súa banda, o equipo feminino da base do Triatlón Ferrol colouse no top- 10 do campionato ao ser sétimas cun esforzo ata ao límite de Sabela Caneiro, que acabou correndo con flato, pero axudada polas súas compañeiras en meta Carmen Jiménez, Lucía Piñón e María Filgueiras.
En Primeira División, a cadete Alba Méndez debutou con mala sorte ao sufrir unha caída á saída da primeira transición. Tras agardar brevemente por ela na bici, o equipo que completan Pauline Vie, Pepa García e María Fernández Lores foi trixésimo.
