III Torneo de Ximnasia Artística Concello de Fene esta fin de semana no pavillón de San Valentín

O pavillón municipal de San Valentín albergará esta fin de semana o III Torneo de Ximnasia Artística «Concello de Fene». O sábado 4 terá lugar o torneo na categoría base e vía olímpica, entre as 9,15 e as 13,30 horas e de 15,30 a 19,30 horas, coa participación de 161 deportistas. Así mesmo, o domingo 5 celebrarase a categoría escolar, de 9 a 13 horas e 124 participantes.

As ximnastas competirán nas modalidades de salto, barra, asimétricas e chan. Así mesmo, teñen confirmada a súa asistencia deportistas dos seguintes clubes: Club Ximnasia Tempo (A Coruña), Club Universidade da Coruña (UDC), Club Ximnasia Coruña, Club Bayo Sil (Ponferrada-León), Club RGC Covadonga (Gijón) e Club Ximnasia Ferrolterra (Fene).

A cita está organizada polo Concello de Fene, Club Ximnasia Ferrolterra, Federación Galega de Ximnasia, Xunta de Galicia, Fundación Deporte Galego e Deputación da Coruña. E, na mesma, colaboran Espacio móvil, Jomer, Muebles Rivas, A tenda agasallos, Loly Calvo e Imprenta Sanesteban, Berline Boutique, Lualé 114, Un pedacito de mí, El baúl de Bego, Mas sport, Yovi peluquería de mascotas, González fotografía y vídeo, Salón de peluquería y estética Meraki y Agropesca Fene.