Miriam Casillas volve ás competicións internacionais xogando na casa na Copa do Mundo de Madrid

Miriam Casillas compite este domingo na Copa do Mundo de Madrid coa ilusión de recuperar sensacións correndo e así optar a entrar no top-10.

Ante rivais como Rachel Kramer ou Vendula Frintora, das 15 mellores triatletas do mundo, a internacional do Triatlón Ferrol tentará acadar un bo resultado que lle permita descartar peores postos á hora de calcular as probas puntuables para a clasificación olímpica, que neste momento lidera a de Badaxoz entre a selección española.

A Copa do Mundo de Madrid dará comezo este domingo ás 11.30 horas en distancia esprinte de 750 m de natación, 20 km de ciclismo e 5 km de carreira.