Galicia Ártabra Digital Noticias de Ferrol y la comarca de Ferrolterra.
Ángel Mato, candidato socialista á alcaldía de Ferrol, cualificou hoxe de “rotundamente falsas e pura demagoxia electoral” as declaracións do presidente da Xunta, Alberto Núñez Feijóo, que dixo que o contrato das fragatas para Navantia puido firmarse hai dez meses.
“Boa proba de que Feijóo minte é que non utilizou este argumento cando estivo coa ministra de Defensa en Ferrol en xaneiro, nin tampouco cando estivo co presidente do goberno o pasado mes de decembro”, afirma Mato.
“É verdade que nos orzamentos de 2018 existía unha partida de 250 millóns de euros no Ministerio de Industria para financiar a Navantia na construción das fragatas, pero elo non significa que o contrato puidera fimarse, porque nin sequera estaba aprobado o programa tecnolóxico nin decidido que tipo de misil ían levar as fragatas”, lembra o candidato socialista.
“Ademais, se houbéramos esperado a que terminara o programa contratado cunha multinacional vinculada a altos cargos do anterior goberno do PP para investigar se era posible utilizar o seu misil, por ser compatible co resto de sistemas, non houbéramos podido contratar as fragatas ata o mes de abril de 2020”, explica.
Por outra parte, engade Mato, “con 250 millóns de euros non se financia un programa plurianual de 4.325 millóns de euros; eses recursos non estaban previstos e quen os obtivo foi o goberno de Pedro Sánchez con dous acordos do Consello de Ministros”. “O Executivo cumpriu as datas de forma escrupulosa”, asevera.
“O que ten que facer o señor Feijóo é encargarse das súas competencias, preocuparse dos graves problemas da área sanitaria de Ferrol ou de impulsar os centros tecnolóxicos, para formar aos futuros traballadores de Navantia”, remata Mato.
Jajaja Mato te has creído que los ferrolanos somos todos tontos… anda pelea con los 2 que te han impuesto y dejar de soltar tonterías. Política campaña y no los engañad¡ y ya me jode dar la razón al Feijoo
También era rotundamente falso que lle ian imponer gente.. se o hacían dimitia¡¡ e ai esta cosa perxonaxes que lle impuso a casiestalloll Home de palabra¡
Esos términos utilizados hacia Feijoo ,mejor aplicados todavía y más certeros hacia el Doctor Fraude, mister Falcón , Pedro Pikolín, el campeón de los » pucherazos «. ¿ No recuerda la urna preparada con sus votos ? En el Comité del Partido. Tesis Doctoral : 21 por ciento copiado. Ni la hizo él , ni la sabe, ni la leyó ¡Vaya JETA!