Unha ducia de medallas para a Escola Javi Gómez Noya na final provincial de dúatlon escolar de Fene

A Escola Javi Gómez Noya logrou un total de doce medallas na final provincial de dúatlon escolar celebrada este domingo en Fene.

A nivel individual, a infantil María Filgueiras e a cadete Carmen Jiménez colgáronse o ouro, a alevín Rebeca Teijeiro e a infantil Sabela Caneiro conseguiron ser subcampioas na súa categoría e o benxamín Manuel Caneiro e o cadete Alejandro Rodríguez fixéronse coa medalla de bronce coas cores do Triatlón Ferrol.

Como equipo, as alevíns e infantís da escola apadriñada por Gómez Noya foron as mellores, os conxuntos benxamín masculino, infantil masculino e cadete feminino finalizaron segundos e o equipo cadete masculino rematou en terceira posición.