Galicia Ártabra Digital Noticias de Ferrol y la comarca de Ferrolterra.
O Triatlón Ferrol pechou esta fin de semana en Soria a súa participación na Liga Nacional de Dúatlon en Segunda División certificando a permanencia.
Nas xornadas de relevos mixtos, contra o reloxo por equipos e relevos o club ferrolán fixo un papel sobresaínte e iso permitiulle acudir a Soria sen apuros.
Deste xeito, Iván Puentes só sentiu a presión de competir por primeira vez na categoría elite e iso non o deixo render como é en el habitual, cruzando a meta no posto 72º do campionato de España de dúatlon.
Nas probas de base, o Triatlón Ferrol quedou a sete segundos do podio en cadete, ao ser cuartos de España e mellor club galego. Individualmente, a cadete Carmen Jiménez situouse na 16ª praza, os cadetes Alejandro Rodríguez e David Campos remataron case xuntos nos postos 26º e 28º respectivamente e Juan Rejas conseguiu ser 33º en junior.
Campioa de España en grupos de idade
A vixente medalla de bronce no campionato galego de dúatlon, Tere Barreira, empregouse a fondo este domingo para proclamarse campioa de España de dúatlon de distancia curta –o dobre que a esprinte- de 40 a 44 anos.
