O Esteo cae ante o Ventorrillo nos derradeiros minutos

(Xosé Ferreiro) O Esteo pontés de fútbol sala perdeu este sábado na Coruña na súa visita ao Ventorrillo por 5-2 nun encontro máis disputado do que indica o marcador e que se acabou decantando nos derradeiros minutos.

A primeira metade rematou sen goles, e na segunda adiantábanse os locais, empataba Jacobo de penalti, voltaban a poñerse por diante os herculinos e voltaba a igualar Pana.

Pero foi nos últimos minutos, que Aitor e o ex pontés Aitor Cruz poñían o 4-2, e xa con porteiro xogador chegaba o 5-2 no derradeiro minuto, anotado polo tamén ex xogador do Esteo Martín.

Os de Óscar Vigo son sétimos con 38 puntos, e na vindeira xornada reciben ó Univesidad de Valladolid, noveno con 36.

VENTORRILLO FS: Buxi, Anxo, Martín, Aitor, Matos – cinco inicial – Buxia, Juan Cruz, Berto, Andresín, Jonnhy.

O ESTEO FS: Javichu, Cokito, Alex, Rober, Jacobo – cinco inicial – Héctor, Pana, Bruno, Troncho, Dani, Ayala.

GOLES: 1-0, Buxia (24´), 1-1, Jacobo (25´). 2-1, Matos (28´), 2-2, Pana (30´), 3-2, Aitor (33´), 4-2, Juan Cruz (35´), 5-2, Martín (39´).

ÁRBITROS: Carrera Menéndez, Díaz Arias, Casiano Fernández (Asturias). Amarela a Jonhy

INCIDENCIAS: Pavillón de Ventorrillo. Uns 150 espectadores.