Primeiro intento dos compoñentes do Triatlón Ferrol para clasificarse ao campionato galego

No primeiro clasificatorio para o campionato galego de dúatlon, o Triatlón Ferrol acudiu a Poio con dous deportistas.

Pablo Pedrosa non puido conseguir unha praza por menos de 20 segundos, a distancia que o separou do 22º lugar. O ferrolán gardou máis forzas para o treito final da proba, remontou na última carreira a pé pero finalmente entrou en meta como 25º.

Pola súa banda, Roberto Martínez abriu a temporada cun 40º posto que o mantén con esperanza de clasificarse en vindeiras probas.

O próximo intento, este domingo no Dúatlon Cidade de Lugo.

A proba en Poio disputouse nun percorrido de 5 km de carreira, 20 km de ciclismo e 2,5 km de carreira a pé.