Galicia Ártabra Digital Noticias de Ferrol y la comarca de Ferrolterra.
O Triatlón Ferrol contará este sábado en Poio con 22 deportistas no campionato galego de ácuatlon.
En categoría absoluta, Marcos Ruiz será o maior expoñente do club departamental despois de demostrar un bo estado de forma ao converterse nun dos 50 mellores triatletas de España no pasado campionato celebrado na Coruña. Xunto a el, Pablo Pedrosa e Borja Catrufo enfrontaranse a 1.000 m de natación e 5 km de carreira a pé polo casco histórico de Combarro.
Mentres, a Escola Javi Gómez Noya viaxa á proba con tres benxamíns, seis alevíns, cinco infantís e outros cinco cadetes, que completarán distancias máis curtas adaptadas á súa idade.
