O PSOE reúnese coa Plataforma pola Remunicipalización a fin de abordar a situación da taxa

Na mañá de hoxe no Grupo Municipal do Concello de Ferrol, a voceira socialista, Beatriz Sestayo, mantivo unha reunión coa Plataforma pola Remunicipalización en Defensa dos Servizos Públicos, ao fin de abordar a situación da taxa de depuración e aportar solucións aos incumprimentos do Goberno respecto a taxa.

Na xuntanza, a Plataforma pola Remunicipalización informou ao Grupo Socialista sobre a campaña de recollida de firmas onde os socialistas amosaron o seu absoluto apoio a mesma. Pola súa banda, o Partido Socialista reitera ao alcalde, Jorge Suárez, a esixencia de que cumpra cos compromisos adquiridos publicamente para a súa investidura, así como para a aprobación dos orzamentos, tales como son a negociación dunha taxa xusta e axustada ao custe do aervizo e a devolución dos recibos irregularmente cobrados correspondentes ao ano 2014.

Neste contexto, os socialistas de Ferrol reactivan a campaña de información á cidadanía respecto aos excesos de EMAFESA.