As irmás Alonso optan ás medallas do campionato de España de tríatlon na Coruña

Cinco deportistas do Triatlón Ferrol competirán este sábado no campionato de España de tríatlon na Coruña. Como favoritas, Camila e Melina Alonso encabezan unha expedición que completan Carmen Gómez, Ana Carvajal e Marcos Ruiz.

Ademais das posibilidades de medallas a nivel individual, o equipo feminino estará loitando polo título por clubs que xa conseguiu no campionato de España esprinte co triunfo de Melina Alonso e os tempos de Gómez e Carvajal.

Na competición masculina, aínda que non ao 100 % fisicamente, Marcos Ruiz ten gañada a súa praza para medirse á elite nacional.

Na proba de grupos de idade, o Triatlón Ferrol contará o domingo con once representantes: Pablo Pedrosa –na categoría de 20-24 anos-, Borja Catrufo e Ricardo Fernández -25-29-, Luis Rilo e Gonzalo Jiménez -35-39-, Marcos Caneiro, Juan Díaz, Héctor Mera e Pablo Sanjurjo -40-44-, José María Eiroa -45-49- e Manu Pita -50-54-.

O campionato de España de tríatlon celebrarase en distancia olímpica de 1.500 m de natación, 40 km de ciclismo e 10 km de carreira a pé, coas saídas elite programadas para o sábado ás 16:40 h a proba feminina e 19:10h a proba masculina, retransmitidas en directo pola web de LaLiga4Sports.