Este venres Esteiro acolle o partido solidario do Concello e SOPAGS en apoio o pobo saharaui

O Concello de Ferrol, a través da concellería de Benestar Social que dirixe a concelleira Saínza Ruíz, ven de lanzar hoxe un convite público para que a veciñanza se sume mañá a xornada lúdica deportiva e, sobre todo, solidaria de apoio ao pobo saharaui, para este vindeiro venres día 24.

Esta xornada terá lugar no pavillón municipal de Esteiro entre ás 16.30 e as 20.30, a que se pode acudir como participantes ou como público.

Nesta cita, tal e como explicaba hoxe en rolda de prensa a concelleira, contarase coa presenza (e colaboración) de O Parrulo Fútbol Sala, Club Universitario Ferrol, o baloncesto base da man de Club Baloncesto Base Costa Ártabra, os/as rapaces/zas do Campus Chiquibasket, a Asociación Ferrolana de Fútbol, e os/as rapaces/zas de Vacacións en Paz que están a desfrutar dunhas semanas na nosa cidade.

Por suposto, poñer en marcha este evento non sería posible sen a participación de SOGAPS, que contarán, no partido/pachanga, con membros da corporación local de Ferrol, co alcalde, Jorge Suárez, a concelleira Saínza Ruiz, Álvaro Montes, de Seguridade e Participación, e representantes dos grupos municipais do PP e do PSOE.

Dende o Concello tamén teñen que agradecer a boa disposición de Ricardo Aldrey, que se suma, como dous xogadores de O Parrulo e dúas do Baxi Ferrol, ademais de nove nenas e nenos do programa ‘Vacacións en Paz’.

Por último, o Concello agradecertamén a colaboración da Asociación Ferrola de Fútbol que achega parte do equipamento (petos, … ) para facer destes partidos unha festa divertida con fins solidarios nos que poder facer a achega a SOPAGPS para o importante labor que desempeñan a través da venda de rifas solidarias.