Galicia Ártabra Digital Noticias de Ferrol y la comarca de Ferrolterra.
O Baloncesto Narón organiza a vindeira semana a sétima edición do seu campus de verán. Un total de setenta rapazas e rapaces con idades comprendidas entre os 6 e os 16 anos participarán nunha actividade lúdica e formativa que se desenvolverá nos pavillóns de Campo da Serra e da Solaina desde o luns 27 ata o venres 31 en horario de 10.00 a 14.00 horas. A inscrición xa está pechada.
Ademais do aspecto lúdico da iniciativa, os participantes traballarán principalmente a súa técnica individual a través de xogos e concursos de habilidades, tres para tres ou tiro, entre outras facetas do xogo.
Durante a semana, os cativos e cativas recibirán a visita dalgúns dos xogadores do primeiro equipo que formarán parte do plantel co que o Baloncesto Narón competirá, un ano máis, na liga EBA.
Desde o club destacamos a alta demanda rexistrada nesta edición, que medra progresivamente cada ano.
