Galicia Ártabra Digital Noticias de Ferrol y la comarca de Ferrolterra.
A Escola Javi Gómez Noya organiza esta semana unhas xornadas de xogos deportivos de verán, bautizadas como Xogatri.
Desenvolveranse de martes a venres de 10.00 horas a 14.00 h no piñeiral de Cabanas e na piscina de Pontedeume.
Os canteiráns do Triatlón Ferrol, de prebenxamín a infantil, realizarán xogos relacionados co tríatlon pero tamén con pelota ou cun paracaídas. “Sempre fomentamos a participación, non tódolos nenos queren orientarse ao máximo nivel e o que deben facer todos a estas idades é divertirse”, afirma o director técnico do club, Jaime Ruiz.
Esta actividade lúdica será a previa ao Tríatlon de Menores de Ferrol que se celebrará o sábado en Ferrol Vello e que é, un ano máis, campionato galego.
