O BNG mantivo un encontro en Brión para informar da situación actual de transporte público

Bloque Nacionalista Galego de Ferrol desenvolveu o pasado sábado, un encontro cos veciños e veciñas de Brión, no local desta entidade, na que se informou da situación actual do transporte público na nosa cidade, como está afectando as diferentes parroquías da zona rural e na que se abordaron varias propostas para melloralo.

Neste encontro no que participou Iván Rivas, portavoz do BNG, analizouse a evolución do transporte público na cidade e «o deterioro constante das condicións nas que se presta o servizo e que ten como consecuencia directa a redución de servizos e de frecuencias produto da xestión por parte da Xunta de Galiza deste servizo, que leva permitindo este deterioro continuado durante anos sen intención de correxilo. Como demostra o feito de que tras a sentenza do Tribunal Supremo de 2016 que anulou as concesións outorgadas polo sr. Feijoo en 2010, desde a Xunta se permitiu que as empresas que desenvolvían os servizos renunciase aos contratos, para posteriormente mediante un contrato de urxencia por dosu anos voltar a entregarlle as concesións as mesmas empresas que renunciaran pero en condicións económicas máis ventaxosas para elas», sinalou o voceiro do BNG.

Asi mesmo, analizouse a situacion do servizo a día de hoxe, logo da posta en marcha do Plan de Transporte Público de Galiza «que non fixo máis que acrecentar a precariedade do servizo prestado no que à zona rural do noso concello se refire ao misturar os servizos regulares co transporte escolar e reducindo o número de servizos».

Para o BNG resulta preocupante a falla de avances e incumprimentos por parte do goberno local á hora de desenvolver os acordos adoptados polo pleno municipal o pasado mes de xaneiro, no que en cordenación coas entidades veciñais do afectadas, se propuxo unha modificación dos servizos nestas parroquias, creando dúas novas liñas, e outras medidas relativas ao transporte público no conxunto da cidade. Todo isto sen ter en conta o acordo de 2016 para crear unha empresa pública de transporte e sobre a que a día de hoxe non temos un só avance.

«Nesta liña, tras ver que desde o concello non se traballa sobre os acordos da moción aprobada e que sen embargo se continúa na liña mantida até o de agora, de precarización do servizo, sen querer asumir a xestión do transporte público na cidade, deixandoo en mans da Xunta, asinando, días atrás, a prórroga do Plan de Transporte Metropolitano, este encontro serviu para definir as liñas de traballo a seguir a partir de agora e as accións a desenvolver para acadar os obxectivos da mellora do transporte público no conxunto do noso concello» manifestou  o BNG..