Melina Alonso, clasificada para o campionato de España de dúatlon pese a anemia

Melina Alonso sufriu este sábado en Berlanga para clasificarse para o campionato de España de dúatlon sendo
quinta.

A deportista do Triatlón Ferrol notou xa no primeiro sector a pé que a anemia que arrastra desde hai un mes non lle ía deixar render ao máximo. “Na primeira volta xa comecei a ver branco, a marearme e quedarme sen aire e fun trotando ata a bici, que a fixen suave, e rematei trotando tamén nos últimos 2,5 km a pé”, relatou Melina Alonso tras a proba.

Aínda que con moito tempo de distancia con respecto ao podio, a ferrolá rematou quinta e cumpriu o seu obxectivo primordial que era clasificarse para o campionato de España da especialidade.