Esther Leira súmase ás críticas polo retraso na reparación da cuberta do centro cívico Carvalho Calero

O estado do Centro Cultural Carvalho Calero segue dando que falar. Os antecedentes hai que buscalos no proxecto da Concellería de Obras, sendo concelleira delegada Esther Leira, financiado a cargo do Plan de Aforro e Investimento da deputación provincial. O proxecto contemplaba unha ampla intervención na cuberta que resolvera a entrada masiva de auga no edificio ademais de corrixir a patoloxías derivadas desas filtracións de augas que afectaban ao interior do centro cívico.

A adxudicación fíxose mediante procedemento aberto cun orzamento de licitación de 126.421,32. Foi adxudicado á empresa SERGONSA SERVICIOS SL por un importe de 90.602,38 o 15 de maio de 2017. Pois ben : oito meses despois as obras no deron comezo.

“A reiteradas preguntas desta concelleira en Comisión Informativa de Urbanismo e Obras por este máis que imcomprensible retraso, contestouse, xa no verán, que logo de acceder á cuberta, a dirección de Obra determinou que habería que facer unha pequena modificación do proxecto por un problema na composición interior da mesma, sen que puideramos saber máis da incidencia xa que o concelleiro de Obras descoñece os proxectos e os problemas da súa Concellería«, afirma Esther Leira nun comunicado.

A propia concelleira se sumaba ás palabras do PSOE sobre o sucedido na primeira comisión deste ano: «Nunha das comisións de Urbanismo deste mes de xaneiro de 2018, novamente a pregunta desta concelleira, contestouse que a modificación do proxecto incluiríase no Pleno ordinario do mes da xaneiro, cousa que non se cumpriu.»

Esther Leira afirmaba que «a modificación do proxecto ten que ir a aprobación plenaria, aínda que o custo sexa cero, dado que foi o Pleno quen aprobou este proxecto toda vez que se incluía no PAI da Deputación provincial; cuestión esta última, a esixencia de aprobación plenaria que mes tras mes negou tanto o concelleiro de Obras como a presidenta da Comisión e concelleira de Urbanismo indicando non era preciso. Mentres, o CC Carvalho Calero está na situación que está e a súa biblioteca permanece pechada.”

A concelleira Esther Leira quere denunciar «a paralización completa da Concellería Delegada de Obras. Este que se sinala non é máis que un exemplo dunha situación xeralizada«.

“Se é paralización por incompetencia ou é intencionada para que cadren as obras que a cidade necesita máis preto das eleccións municipais é un asunto que estaría ben para plantear unha polémica estéril. En todo caso non é de intererese para a cidadanía de Ferrol”, sentenciaba a concelleira.