O Clube Atletismo Fene participará no Campionato Galego de Cross curto

Este domingo será de novo un día histórico para o Clube Atletismo Fene. No seu segundo ano de existencia presentará por primeira vez equipo nun campionato galego. Será no de cross curto, que se celebrará no concello ourensá de A Rúa, nun circuíto de aproximadamente 4.000 metros.

Os atletas que defenderán as cores do noso clube serán os seguintes: Javier Prieto, Víctor Sabín, Antonio Rodríguez, Samuel Ramírez, Alexandre García e Esteban Rodríguez. Tamén participará Melina Alonso na proba feminina. Todos eles estarán acompañados polo adestrador e vicepresidente do clube Marcelo Rodríguez.