Galicia Ártabra Digital Noticias de Ferrol y la comarca de Ferrolterra.
Camila e Melina Alonso volven esta fin de semana á competición internacional na Copa de África de Agadir onde a pasada temporada asinaron un dobrete levándose ouro e prata.
Entre as irmás do Triatlón Ferrol conta con máis posibilidades de subir ao podio Camila Alonso, quen escalou un posto na clasificación mundial despois da Copa do Mundo de Salinas e agora é a 91ª mellor triatleta do mundo.
Pola súa banda, Melina Alonso buscará resarcirse do abandono da súa última proba, cando na Copa do Mundo de Weihai sufriu unha avaría en bici.
A Copa continental de Agadir disputarase este sábado en distancia olímpica -1.500 m de natación, 40 km de ciclismo e 10 km de carreira-.
