Inés Santiago pecha o circuíto europeo como imaxe da Copa de Melilla

Inés Santiago disputa este domingo a final das Copas de Europa en Melilla sendo a imaxe do cartel da proba.

Con absolutas como Frintova ou Mazzeti, a internacional do Triatlón Ferrol está motivada para demostrar o seu nivel xa que non o puido facer en Huelva por unha caída en bici.

De novo en formato olímpico, Inés Santiago, na súa primeira temporada na categoría sub-23, terá a oportunidade de sumar novos puntos para non soltar a 90ª posición que ocupa agora mesmo na táboa mundial.

Pola súa banda, Ana Carvajal competirá na Copa de Europa junior de Melilla con posibilidades de éxito ao medirse a rivais da súa idade, en distancia esprinte e coa vantaxe de contar con maior experiencia internacional que a maioría.