Javi Gómez Noya visitará a súa escola este mércores

Para estrear a temporada, Javi Gómez Noya acudirá este mércores ao adestramento da escola que leva o seu nome.

Actualmente son medio cento as promesas que se forman no Triatlón Ferrol. Como novidade, este curso o club mantén a proba un grupo de prebenxamíns de 7 anos que, como o resto de categorías, acepta novas incorporacións.

O habitual adestramento dos mércores da Escola Javi Gómez Noya nas pistas de atletismo e no paseo de A Malata será supervisado, desde as 19:00 horas, polo ídolo de tódolos triatletas do club.