AFAL facilita prácticas formativas a alumnos do IES Leixa e CIFP Rodolfo Ucha Piñeiro

A presidenta de AFAL Ferrolterra, Ana María López, vén de suscribir sendos convenios de colaboración coa directora do IES Leixa, Ana María Roel, e CIFP Rodolfo Ucha, Fernando López. A través dos mesmos, a asociación facilitará prácticas formativas ós alumnos e alumnas de ambos centros educativos da cidade de Ferrol.

A primeira estudante iniciaba a súa etapa formativa a finais de setembro. Alumna do ciclo de FP Atención en situación de dependencia do IES Leixa, realizará 120 horas de prácticas no Centro de Día Terapéutico de AFAL, e que culminarán o 13 de outubro. Pola súa banda, outra estudante, neste caso do Rodolfo Ucha comezaba hoxe mesmo a formación nas instalacións da asociación. Neste caso, alumna do ciclo Administración de sistemas informáticos. Completará 384 horas ata o 15 de decembro.