O Baloncesto Narón apura as opcións de acceder á final da Copa Galicia EBA

O Baloncesto Narón recibe mañá -pavillón municipal da Gándara, 22.15 horas- ao Santo Domingo de Betanzos coa intención de acadar unha vitoria que lle permita ter opcións de meterse na final da Copa Galicia EBA.

O conxunto de Miguel Maseda, que conta con todos os efectivos agás Koke Aller -aínda en proceso de recuperación-, debe gañar ao veterán conxunto betanceiro, que lidera a clasificación xunto co Cenor Obradoiro, e facelo por unha renda suficiente que lle permita encarar con posibilidades o último encontro contra o Basquet Coruña.

O Betanzos venceu por 14 puntos o seu primeiro choque, a mesma diferenza pola que perderon os naroneses o domingo pasado,