O BNG considera incomprensíbel que o concello de Ferrol non se anule o convenio con Defensa

O Bloque Nacionalista Galego de Ferrol, despois da comisión desenvolvida este martes, e tendo en conta o informe da intervención municipal quedou de manifesto a ausencia de informe de fiscalización, por parte da intervención municipal, respecto do Convenio asinado co Ministerio de Defensa. Para o BNG resulta absolutamente incomprensible que este goberno non anule o convenio subscrito polo PP no anterior mandato «senón fose que este goberno ten as mesmas intencións que o anterior respecto dun convenio no que pagamos por propiedades que deberían recuperarse para a cidade de modo gratuito e que exime de responsabilidade da conservación e mantemento desas instalacións ao citado Ministerio».

«Na comisión deste martes quedou acreditado que non se pode aprobar un convenio con repercusións económicas sen informe de intervención e que por tanto o actual convenio é nulo.

A resistencia do goberno a declarar a nulidade do convenio e a reclamar a aportación económica feita por este concello de 120.000€ demostra a complicidade que mantén co PP respecto desta cuestión na que a pesar de ser evidente a falta de requisitos necesarios para que o concello fixese algunha aportación económica.

Neste contexto só hai dúas saídas: ou ben se anula o convenio ou ben se volve a aprobar nun pleno o convenio asinado en 2015» sinala o BNG.

Para o BNG o goberno debería anular este convenio de maneira inmediata coa causa xustificada de carecer dos trámites necesarios como é este informe de fiscalización pero tamén polo feito de que os acordos tiñan unha vixencia dun ano que expiraron hai máis de dous.

«A partir desta declaración de nulidade o concello podería inicar a reclamación dos impostos que debería aboar o estado polas propiedades desafectadas e reclamarlle a conservación e mantemento das propiedades que posúe no concello do mesmo modo que fai cos particulares mediante a elablración das ITEs».

Para o BNG a opción adoptada por este goberno «de seguir mantendo no limbo estes acordos unicamente supón perxuizos para a cidade dos que o goberno local debería dar explicacións».