Galicia Ártabra Digital Noticias de Ferrol y la comarca de Ferrolterra.
O Triatlón Ferrol chega ás dúas últimas xornadas de Liga en cuarta posición e cos postos de podio a tiro. Para iso o equipo desprázase este venres cara Pulpí para disputar os campionatos de España de relevos por parellas e de tríatlon superesprinte por clubs.
Coas máximas aspiracións presentarase o equipo de relevos formado, en primeiro lugar, por Inés Santiago e Camila Alonso, que lle deberán dar o testemuño a Paula Herrero e Emma Romeo para que rematen Melina Alonso e Ana Carvajal.
Na xornada dominical, Inés Santiago, Ana Carvajal, Camila e Melina Alonso serán as catro integrantes do club departamental que deban completar un frenético tríatlon de distancia superesprinte de forma individual para puntuar para o equipo na xeral.
En total, 140 puntos en xogo dun máximo de 380 da Liga de Primeira División e cando o Triatlón Ferrol está a 12 puntos dun bronce alcanzable, a 26 da prata e a 34 das líderes da Liga de Primeira División.
Ata o de agora, o mellor resultado da historia do club ferrolán foi o bronce conseguido na pasada temporada.
