Galicia Ártabra Digital Noticias de Ferrol y la comarca de Ferrolterra.
O Concello de Valdoviño, a través da Concellería de Cultura, promove neste mes de agosto a I Andada Surfeira. Unha iniciativa con participación gratuíta, aínda que con necesaria inscrición previa. Para formalizala o Concello abrirá o prazo os días 22 (próximo martes), 23 e 24, en horario de 10 a 13 horas. Neses horarios, os interesados poderán anotarse chamando ó 981 48 76 66 ou acudindo á Casa da Cultura.
O itinerario da I Andada Surfeira do Concello de Valdoviño discurrirá pola estrada da Costa e terá como destino final a praia de Pantín. Celebrarase o domingo 27 de agosto, partirá ás 10,30 horas da praia pequena da Frouxeira, e cubrirá unha distancia duns 7,5 quilómetros de dificultade media-baixa.
Dende o Concello sinálase que se dará por finalizada a actividade no punto de chegada, tendo cada participante que organizar pola súa conta o regreso. Así mesmo, poderán tomar parte menores de idade debidamente inscritos, aínda que terán que acudir cun adulto que se responsabilice do mesmo.
O material recomendable para esta camiñada é o habitual para este tipo de actividades, aconsellando levar roupa deportiva cómoda e protección para o sol.
