O campionato galego de tríatlon de menores deste sábado pechará ao tráfico Curuxeiras

O Triatlón Ferrol organiza este sábado o campionato galego de tríatlon de menores que obrigará a pechar ao tráfico os arredores do peirao de Curuxeiras.

Desde as 10.15 horas ata as 13:15 horas non se poderá circular pola estrada baixa do porto, en concreto, desde a rotonda da AP-9 ata a subida á rúa San Francisco.

Estará prohibido aparcar no peirao da Cortina e, pola súa banda, non se poderán mover os vehículos estacionados no circuíto ata o remate da competición.

Peche de inscricións

Hoxe ás 00:00 horas remata o prazo de inscrición para categorías que van desde os 9 ata os 17 anos. Máis de 200 promesas do tríatlon galego daranse cita en Ferrol este sábado.