Galicia Ártabra Digital Noticias de Ferrol y la comarca de Ferrolterra.
(Xosé Ferreiro) Este sábado disputouse na pista do Colexio Santa María o torneo de Baloncesto Tres por Tres, organizado polo Club Baloncesto As Pontes, coa colaboración do Concello pontés.
Ó longo de todo o día e ata as oito e media da tarde, sete equipos masculinos e sete femininos xogaron un total de trinta partidos.
Na categoría masculina acabou vencendo o Circus Shot, por diante de Showtime. O terceiro posto foi para Sanatorio Spurs e o cuarto para Lamentabla. Tamén participaron María Napolitano, Sin Nombre e Frenahaybaçhe SK.
O Maristas Never Give Up foi o gañador feminino por diante do B 2 S e Las Precipotadas. En cuarto lugar acabou Pico y palo, e tamén competiron Dream Team, Cuchufletas e Noe y las chicas.
Ó remate do evento entregaron os premios ós tres primeiros clasificados de cada categoría o presidente do CB As Pontes, Juan Eladio Pico, e o Concelleiro de Deportes, Chicho Tembrás.
