Inés Santiago mellora o seu resultado nas Series Mundiais de Hamburgo sendo 30ª

Inés Santiago selou un notable 30º posto nas Series Mundiais de Hamburgo.

Despois de debutar no máximo circuíto internacional nese mesmo escenario, a canteirá do Triatlón Ferrol comezou nadando no grupo e marcando unha excelente transición para meterse no pelotón perseguidor. Chegou a quedar cortada por un intre, logrou volver dar alcance ao grupo aínda que unha caída no ciclismo dividiu o pelotón.

“Xusto diante de min caeron 4-5 triatletas. Eu tiven sorte, puiden esquivalas e non ter que baixar da bici. Despois, baixei a correr sabendo que non estaba nada perdido e que había xente do primeiro grupo á que aínda podía coller”, explicou a ferrolá. Así foi como Inés Santiago se pegou a rivais con bo ritmo para rematar 30ª.

Desta forma, a internacional do Triatlón Ferrol mellorou o 33º lugar de 2016.