A Deputación financia as obras de renovación da rede de abastecemento en Ber, Pontedeume

O Boletín Oficial da Provincia publica hoxe a saída a licitación das obras de construción dunha nova rede de abastecemento en Ber, no termo municipal de Pontedeume. A Deputación da Coruña financia este proxecto cun total de 35.927,76 €, dentro do seu Plan de Medio Ambiente (PMA).

A nova rede de abastecemento executarase desde a intersección da DP 4803 coa estrada de acceso á praia de Ber, permitindo subministrar auga potable ao cámping, as duchas do areal, os edificios e as vivendas situadas na zona.

Na actualidade, a rede de distribución existente presenta roturas continuas, que ocasionan importantes derrames de auga e provocan que con frecuencia moitos usuarios non dispoñan de abastecemento de auga.

O proxecto financiado pola Deputación permitirá reducir ás perdas de auga e mellorar a calidade e o servizo de distribución, a través dun sistema consistente nunha tubaxe de polietileno, válvulas de corte hacia os diferentes ramais e conexións, catro bocas de regos e tres arquetas de rexistro.

Así mesmo, os fondos provinciais permitirán renovar a beirarrúa onde se executarán nas obras, mediante pavimento de formigón de color e encofrado con bisel.