Continúa aberto o prazo de inscrición para os equipos de base do Baloncesto Narón

O Baloncesto Narón informa de que continúa aberto o prazo de inscrición na escola e os equipos de base. As persoas interesadas poden obter máis información no correo electrónico ad.santiagoapostol@gmail.com ou chamando ao número de teléfono 610 659 667.

O club admite nenas e nenos en todas as categorías, empezando pola escola –dirixida ás cativas e cativos que naceron en 2010, 2011 e 2012- e pasando por premini -2008 e 2009-, minibasket -2006 e 2007-, infantil -2004 e 2005-, cadete -2002 e 2003- e junior –anos 2000 e 2001.

Unha das novidades de cara á próxima temporada ten que ver coa ampliación dos horarios da escola. As pequenas e os pequenos que queiran iniciarse no mundo do baloncesto poderán elixir dous días entre luns e xoves (en horario de 17,30 a 18,30, agás o luns, que é de 17,00 a 18,00 horas), segundo mellor lles conveña.

A directiva do Baloncesto Narón anima ás familias a apostar por este deporte e este club, que leva varios anos medrando en número de fichas e en nivel competitivo nas diferentes categorías.