O Concello de Valdoviño invita ás familias a practicar ioga cos seus fillos e fillas

As familias con nenos e nenas de tres a 12 anos poderán tomar parte na clase de ioga que o Concello, a través da Concellería de Servizos Sociais, ten programado para mañá mércores, 14 de xuño. Celebrarase no local social de Meirás e dará comezo ás 17 horas cunha duración de 90 minutos.

O obxectivo da actividade é ofrecer diferentes técnicas e dinámicas de ioga, xogando co propio corpo, os sentidos e as emocións. Aínda queda algunha praza libre, lo que as familias interesadas poden chamar ó departamento municipal de Servizos Sociais para anotarse entre hoxe e mañá (981 48 70 41 ext.5).