Galicia Ártabra Digital Noticias de Ferrol y la comarca de Ferrolterra.
Durante este ano, a Asociación de Persoas Xordas de Ferrol organizará diferentes actos, actividades, charlas… co motivo do seu 45 aniversario. Todos estes actos rematarán o sábado 4 de novembro cunha cea de gala.
O próximo venres 12 de maio ás 19:30 horas no Centro Torrente Ballester, dentro dos actos programadas no 45 aniversario da AXF, teremos o relatorio de Cesáreo Millarengo, persoa xorda de nacemento, no que nos contará as súas experiencia vividas como alpinista cunha discapacidade.
Nesta charla poderemos coñecer a unha persoa xorda que practica un deporte de alto risco, como é o alpinismo. Cesáreo contaranos a súa experiencia, as sensacións vividas, como adáptase a practicar un deporte rodeado de persoas oíntes que non coñecen a lingua de signos…
Cesáreo coñeceu o mundo do alpinismo no ano 2005, no VIII Encontro Integración nos Picos de Europa, organizado pola Asociación de Sordos de Cantabria; durante os seguintes cinco anos continuou participando en diferentes encontros de alpinismo, pero non foi ata o 2010, ano no que coñeceu a Diego Segarra, montanista xordo, cando empezou a gozar do alpinismo e descubrir as sensacións marabillosas que este deporte aporta. Cesáreo conta, que cando chega a cima o máis emocionante e mirar ao arredor e sentirse coma unha aguia observando a paisaxe.
Durante estes anos escalou as 17 cimas mais altas de España, ademais do Gokyo Ri (5.360 m), o Dala Pattar (5.555m)… sendo o seu próximo obxectivo o Pico Acongagua (6.960 m) situada no oeste de Arxentina.
