O Bloque Nacionalista Galego de Ferrol pediu esta mañá ao goberno local que preste maior atención ao barrio de San Pablo e proceda a adecentar zonas públicas frecuentadas polos veciños e veciñas às que non se lles presta a atención adecuada.
O BNG pídelle ao goberno local que atenda as demandas feitas, desde hai varias semanas, polos veciños e veciñas de San Pablo, e proceda a retirar do campo de futbol do barrio os postes metálicos que se atopan en mal estado e que ameazan con caerse definitivamente, como xa ten aconteceido con algún.
O BNG advirte que como comentan os veciños e veciñas de san Pablo esta zona, estes campos de futbol, son utilizados habitualmente por nenos e nenas do barrio e que o mal estado destes postes metálicos, empregados antigamente para a suxeición de redes de protección e iluminación, supoñen un risco.
Así mesmo desde o BNG queren chamar a atención sobre o estado de abandono da parcela que acollia o antigo campo de tiro de Catabois e que pese a ser unha propiedade do Minsiterio de Defensa o goberno local non lle esixe que a manteña nun bo estado de conservación e de limpeza.
Para o BNG compre mellorar as condicións nas que se atopan moitas zonas do concello.