O auditorio municipal de Narón acolle este domingo o “XV Certame de Habaneras de Narón”

A décimo quinta edición do Certame de Habaneras de Narón terá lugar o vindeiro domingo, día 23, no auditorio municipal, na praza de Galicia. O Padroado da Cultura de Narón e a Sociedade Cultural Areosa, de Piñeiros, organizan un ano máis esta convocatoria, que dará comezo ás 18.00 horas e na que actuarán un total de cinco agrupacións musicais.

A Coral da Sociedade Cultural Areosa compartirá escenario con outras catro formacións corais: Alentía, de Valdoviño; Virxe do Mar, de Cedeira; Casino de Franza, de Mugardos, e coa Rondalla Añoranzas, de Ferrol.

As persoas interesadas en acudir a esta tradicional cita poderán facelo de balde, ata completar o aforo do auditorio municipal.